Djöfull er þetta ógeðslega fyndið!

Það á ekki að leyfa mér að horfa á 4 þætti í einu af LOST, einni, klukkan hálf eitt um nótt! Ég var orðin svo hrædd að ég þurfti að horfa á skjáleikinn til að róa mig, nema hvað að það var enginn skjáleikur, bara mynd af Goðafossi og Lagið um Nínu og Geira spilað undir. Furðulegt?

Annars er allt bara rólegt í sveitinni. Er byrjuð bæði í heimilishjálpinni og KS Varmahlíð. Sjoppan hefur ekkert breyst, ennþá undirmönnuð, draslaraleg og stressandi. En kallin sem ég er hjá í heimilishjálpinni er snillingur sem skýtur hettumáfa útum gluggan hjá sér og býður mér viskí í vinnunni. Svo er ég búin að fara út að hlaupa á hverjum degi síðan ég kom heim og stefni á að halda því áfram. Það er eiginlega það mest hressandi sem ég geri á daginn. Fyrir utan að lesa Heimsljós, sem er dásamleg bók!

Og svo koma hér að lokum einkunirnar mínar eins og ég var búin að lofa.

Í þeirri röð sem mér voru þær birtar:

Þýska - 8      (hefði verið gaman að fá níu en ég er samt sátt... og orðin stúdent í þýsku:)
Íþróttir - 5     (Já ég er sátt þar sem að íþróttakennslan í ár var frekar leiðinleg og asnaleg og ég hef gjörsamlega engan áhuga, hvað þá metnað, í íþróttum!)
Uppeldisfræði - 9   (skil ekki þessa einkun... ég þoli ekki uppeldisfræði!)

Könnun! Allir sem lesa þessa síðu að svara með kommenti!

Spurt er:

Herbergið mitt er fullt af töskum og kössum en mig langar bara að hunsa draslið, skríða upp í rúm, lesa uhnaðslegt nýtkomið vorblað Munins og sakna og sofna.
Takk og bless allir sem ég náði ekki að kveðja áður en ég yfirgaf Akureyri city. Sé ykkur í seinasta lagi miðjan september þegar ég verð nýkomin úr hressandi Tyrklandsreisu. Eins og góðir menn segja iðulega: Ójá!

Sérstakar þakkir að þessu sinni, fá sætu Muninsstrákarnir fyrir sérstakar þakkir. Mjög hressandi og krúttlegt ;)

Það eru bara afmæli annan hvern dag hérna. Anna Guðrún er nítján ára í dag! Til hamingju skvís ;)
Sálfræðipróf á morgunn og þar með er próftíð búin og ég endanlega farin heim í heiðardalinn að afgreiða pylsur og ís í KS Varmahlíð, heimilishjálpast í sveitinni og mála glugga á samkomuhúsinu. Að ekki sé minnst á hið endalausa verkefni að slá þessa 200 hektara eða svo sem mamma kallar garðinn sinn. Svo ætlar maður að reyna að slappa af smá, lesa, hlusta á gamlar plötur, fara út að hlaupa og hlakka til Tyrklands! Og aldrei að vita nema maður skreppi einu sinni eða tvisvar "heim" :)

E.S. Einkunnir farnar að týnast inn, þær verða birtar þegar allt heila klabbið er komið. Er sátt með það sem komið er.

X-V

Afleiðingar prófa:

Heimspeki - blýetrun, örkumla hægri hendi og sálarlíf í molum. Erum við leiksloppar æðri máttar eða berum við sjálf ábyrgð á allri vitleysunni í kringum okkur? Samt næstbesta fagið (með stjórnmálafr.)
Enska - Sagan af Rauðhettu hefur beðið álitshnekki, en var hins vegar það eina skemmtilega við þetta próf. Hef komist að því að mér þykja erlend tungumál hundleiðinleg.
Uppeldisfræði - er viðbjóðslega leiðinleg og versta ákvörðun lífs míns var að velja uppeldisfræði í staðinn fyrir fjölmiðlafræði. Ekkert erfitt próf samt, en örkuml hægri handar hefur versnað umtalsvert.

Í vikunni gerðist það ótrúlega: ég varð tvisvar sinnum bara nokkuð ánægð með eitthvað sem Sjálfstæðismenn gerðu. Ætli ég sé með hita?

Hvað er blogg? Upplýsingamiðstöð fyrir fjölskyldu, vini og kunningja? Leið til að losna við tjáningaþörf og vekja athygli á sjálfum sér? Örvæntingarfull leið til að einhver ranki við sér, sjái hvernig manni líður og tali almennilega við mann? Er þetta alltof mikið aðgengi fyrir hvern sem er? Ömmusystur og vini vina manns? Á að tala undir rós, er það best fyrir alla? Blogg er ekki dagbók. Hversu mikið er maður tilbúinn að láta uppi, hversu langt á að ganga án þess að fá það í bakið? Hversu mikið á maður að láta stjórnast af öðrum?

Ath: Þetta er skrifað í flýti í fimm mínútna hléi frá heimspeki. Staðan akkúrat núna: Ágústínus kirkjufaðir er ekki alveg upp á pallborðið, vona að þetta lagist þegar ég er búin með miðaldirnar.

Það að trassa að læra fyrir stjórnmálafræðipróf vegna þess að lokaþátturinn á American Idol (sem ég hef nota bene ekkert horft á í vetur, í alvöru) er í sjónvarpinu, og leiðast svo smámsaman út í þá vitleysu að horfa á klám-rugl-drama-brjálæðið Mile High og geta ekki slúttað þessu og staðið upp þegar einhver spennuþáttur sem ég veit ekki einu sinni hvað heitir byrjar og fara ekki að sofa fyrr en hálf eitt...

   gæti gefið ykkur þá hugmynd að ég hafi ekki gaman af stjórnmálafræði...