Comments

Entry: Slæm hugmynd Monday, June 20, 2005

Í fréttum 16. júní: Breska lögreglan óttast að börnum frá Afríku sé smyglað til landsins til þess að fórna þeim við trúarlegar athafnir. Fyrr í þessum mánuði voru 2 afrískar konur dæmdar fyrir að pynta átta ára gamalt munaðarlaust barn frá Angóla og hafa ætlað að henda henni í sjóinn, þar sem þær trúðu því að barnið væri haldið illum anda. Breska löggan hefur ennfremur enn ekki borið kennsl á lík drengs sem fannst fyrir fjórum árum höfuðlaust á reki í ánni Thames, talið er að hann hafi verið myrtur í tengslum við trúarlegar athafnir.

Í fréttum í fyrradag: Heittrúarmenn mótmæltu ákaft á meðan Massouma al-Mubarak sór embættiseið til þingsetu sem fyrsta konan til að setjast á þing í Kúveit... aðeins nokkrum vikum eftir að konur í landinu öðluðust kosningarétt.

Í fréttum í gær: hálf milljón mótmælti auknum réttindum samkynhneigðra á Spáni. Fremstir í flokki voru rómversk-kaþólskir prestar og biskupar.

Í fréttum í dag: Rúmensk nunna lést eftir að hún hafði verið bundin við kross, handklæði troðið upp í munninn á henni og hún skilin eftir í þrjá daga í köldu herbergi í nunnuklaustri. Hún fékk ekki vatn né mat allan tímann. Hún þjáðist víst af geðklofa, en prestur og nokkrar nunnur bundu hana við krossinn til að reka út þann illa anda sem þau voru viss um að hún væri haldin.

Það sem mun væntanlega gerast á morgunn:
Þúsundir manna munu deyja eða þjást af trúarlegum ástæðum. Konur munu verða umskornar, börnum misþyrmt, nokkrir munu ákveða að sprengja sig og aðra upp í loft, samkynhneigðir munu afneita sjálfum sér, fólk mun verða kúgað og meitt, því nauðgað og það drepið.

Ég er alltaf að átta mig betur og betur á því...

hvað trúarbrögð eru rosalega slæm hugmynd.

E.S. Lagið: Son et Lumiere með The Mars Volta

E.E.S. Bókin: Heimsljós eftir Halldór Laxness

E.E.S. Gaman: Stefnan tekin á Reykjavík city á föstudaginn.

Góða nótt.

11 comments


	Addi June 26, 2005 03:59 PM PDT Vó...


	Nína June 24, 2005 05:23 AM PDT Trúarbrögð eru eins og byssur. Guns dont kill people. Annars langaði mig að hrósa þér fyrir að hlusta á Mars Volta og bæta því við að ég hlakka til að hitta þig hér fyrir sunnan, en það var jú einmitt einhver furðufugl sem hvíslaði því að mér að þú ætlaðir að smokra þér yfir heiðarnar í fáeina daga. Góð hugmynd.


	Steinunn June 23, 2005 01:16 PM PDT Nú erum við að tala saman. Ég held að helsta ágreiningsefni okkar sé byggt á misskilningi. Ég er ekki á móti því að fólk trúi á guð eða hvað annað sem það vill, því eins og þú segir er það alveg jafn eðlilegt og að trúa því að menn séu komnir af öpum. Ég veit þú segist skilja muninn á trú og trúarbrögðum, en ég held samt að við séum að rífast um mismunandi hluti og í rauninni eiginlega sammála (það væri alla vega líkt okkur ;) Ég vona að þú hafir ekki mislesið “fótbolltabulludæmið” sem “fótbolltabulldæmið”, það væri slæmt. En já, skoðanir geta líka verið til ills. Sagði aldrei annað. Útrætt mál? Svo vil ég þakka hrósið :) Nei í alvöru, setningin virkaði bara svona á mig, kannski af því ég var pínu pirruð yfir öðru sem þú skrifaðir. Það eru pottþétt til einstaklingar sem eru fordómafullir í garð trúarbragða. Kannski er ég ein af þeim? Ég hélt samt, alla vega áður en nokkur fór að kommenta við þennan pistil, að ég væri bara búin að komast að þeirri niðurstöðu að trúarbrögð væru slæmur hlutur, svona eins og Lundur eða Framsóknarflokkurinn (bara að grínast). Svona eins og beittur hnífur. Hnífur er ágætur til síns brúks en þarf að hafa hann svona fáránlega beittan?.... mér stendur stuggur af beittum hnífum... Svona til að slíta þig meira úr samhengi, ertu að meina að háværastir og mest talaðir séu þeir fordómar sem eru í garð trúarbragða í heild sinni, eða frá einum trúarbrögðum í garð annarra? Því annað styður það sem ég segi, og hitt það sem þú segir. (Ég ætla að gera mér atvinnu af því að slíta fólk úr samhengi... verð að vísu pottþétt óvinsæl en ég mun alla vega skemmta mér vel, múhaha ;) Hatur og heimska slæm-setningin = brilljant, sammála. Og já, enn erum við sammála (sem styður það að við höfum verið að rífast í tilgangsleysi enn eina ferðina, ohhh), fólk á aldrei að fara út í neina vitleysu. Málið með fjandskap minn til trúarbragða er að ég held að þau auðveldi fólki að fara út í vitleysu og séu góð til að rökstyðja vitleysuna. Trúarbrögð eru súkkat og það eru fordómar að vera að agnúast út í þau. Ósnertanleg ? Það hefur kannski ekki áhrif á samskipti þín við annað fólk að þú trúir á guð, en horfum aðeins lengra. Trúarbrögð milljóna hafa áhrif á hvernig þau koma fram við aðra, enn nefni ég dæmið um kaþólikka og samkynhneigða. Þetta er það sem ég er að reyna að koma til skila. Þess vegna segi ég að dæmið sé ónýtt. Var ég að taka þetta úr samhengi? Ræð bara ekki við mig... Að lokum vil ég koma því að að við Jói og Andri erum búin að kommenta samtals 3 blaðsíður (þetta letur og leturstærð) um þetta efni. Vel gert... :)


	Andri Már June 23, 2005 12:36 AM PDT Heitt í hamsi já??? ég átta mig að það er munur á trú og trúarbrögðum, bara að byrja á því að benda á það... Með fótbolta"bull"dæminu var ég ekki að spurja hvort þú vildir banna trúarbrögð, heldur var ég að benda á að það sem fólk gerir í sínum frítíma eða sem það hefur einhverja trú á (ekki bara trúarbrögð þeirra, heldur skoðanir) getur verið til ílls, nema þá að þú teljir mismunandi lið mismunandi trúarbrögð??? Sumt fólk tekur hlutina of alvarlega og gerir heimskulega hluti, ekki bara vegna trúarbragða, heldur líka vegna trúar og skoðana.... Næst vil ég hrósa þér fyrir það hvernig þér tókst að rífa setningu mína úr samhengi, eða hvort þú hafir einfaldlega reynt að túlka hana á versta mögulegan hátt veit ég ekki, en hrós samt... hróshrós. En ALLAVEGANA.. þessi umrædda setning er varðandi fordómana sem ég talaði um að væri í garð trúarbragða og ég er nú ekki að troða þessu fram úr útnára heiladingulsins, heldur er þetta komið beint úr heimspekistund í MA þegar talað er um oftrú á vísindi og fordóma í garð trúarbragða... ég var ekki að tala um að fordómar í garð trúarbragða væru verri en aðrir fordómar!! alls ekki, það sagði ég aldrei! Ég sagði einfaldlega að þeir fordómar sem virðast vera háværastir og mest talaðir eru í garð trúarbragða. Þó er skoðun mín að fordómar eru allir jafn slæmir sama hvort fólk sé með fordóma í garð Vinstri-grænna, Framsóknarmanna, trúleysingja, trúaða eða homma. Hatur og heimska eru alltaf hatur og heimska og hatur og heimska eru alltaf slæm! Þú segir sjálf í fyrsta komment þínu að þér finnist trúarbrögð slæmt, og ég er ósammála því að þau séu slæm, en við erum allavegana sammála því að fólk á aldrei að fara út í neina vitleysu . Svo segirðu að dæmið um Darwin sé ónýtt, en af hverju? Þetta er alveg eins og ef ég trúi á guð. Það hefur ekki áhrif á samskipti mín við annað fólk. Þú trúir á Darwin af því að vísindamenn segja að það sé rétt án þess þó að þú gerir þér fyllilega grein fyrir því af hverju. Ert þú þá eitthvað minna í myrkrinu en ég ef ég tryði á þá menn sem segja að guð sé til? Og enn og aftur ætla ég að segja, svo þú takir þetta ekki út úr samhengi, að þarna er ég ekki að tala um þær túlkanir fólks að þegar guð sagði eitthvað og annað að þá hati hann hinn eða þennan eða að það ber að skera af einhverjum eitthvað, ég er nefnilega alls ekki að meina það! Ég er að meina að mér finnst fyllilega skiljanlegt að fólk trúi á guð og finnst það í raun alveg eins eðlilegt og að fólk trúi að menn séu komnir af öpum. Að lokum biðst ég afsökunar á að alhæfa þetta með að þið hafið sagt að allt væri trúarbrögðum að kenna, ég sé það núna að það var ekki rétt hjá mér. En bendi samt á að það er stutt á milli alltaf og ,,því það er rétt að meirihluti hrakfalla heimsins er tilkominn af trúarbrögðum, til dæmis öll stríð heimsins"


	Steinunn June 22, 2005 06:40 PM PDT Við nánari hugsun er það náttúrulega hárrétt Kristín :) Jói, nú erum við komin að áhugaverðri pælingu. Er það s.s. tilfellið, svo við tökum dæmi, að þér finnist skammbyssa ekki vera hræðilegur hlutur vegna tilgangs hennar, heldur bara mennirnir sem nota hana? Eða kjarnorkusprengja þegar út í það er farið. Ef svo er, verð ég að vera ósammála þér, það er nú bara svo. En ég er samt til í mótmælaaðgerðir ;) ætíð :) Og jæja Andri minn... Var þér eitthvað heitt í hamsi? Velkominn í klúbbinn, því ég varð alls ekki kát sjálf þegar ég las þessa stórkostlegu ritsmíð. En það er náttúrulega bara mikilmennskubrjálæðið að segja til sín... Þú veist að ég elska þig, en ef þú reynir einu sinni enn að segja að ég hafi komið með einhvern hóp eða hlut eða fyrirbæri og sagt að ALLT væri því að kenna, þá bara veit ég ekki hvað ég geri! Það er ekki ALLT trúarbrögðum að kenna, ekki frekar en Framsóknarmenn eru ALLIR hálfvitar eða Vinstri-grænir á móti ÖLLU! Núh! Svo er það málið að ég skilgreini trú og trúarbrögð ekki sem það sama. Trúarbrögð eru samkvæmt minni skilgreiningu allur pakkinn í kringum trú á ákveðið fyrirbæri, sem sagt, hefðirnar og reglurnar. Trú getur verið alveg skuldbindingalaus, það er til dæmis ekki til biblía og siðalögmál þeirra sem trúa á huldufólk (að mér vitandi). Trú er ekki slæm. Þegar trúarbrögð koma hins vegar til sögunnar, þá fer að halla undan fæti... Með fótboltabulludæminu reikna ég með því að þú sért að varpa fram spurningunni, á að banna trúarbrögð? Svar mitt er: ekkert endilega, en eins og ég sagði, trúfresli ætti að vera innan takmarka. Svona eins og: Bannað að halda að þú sért yfir aðra hafinn. Bannað að drepa aðra þótt að þeir séu ósammála þér í trúnni. Bannað að kúga aðra. Bannað að neyða dóttur þína til að giftast áttræðum kalli. Bannað að fórna litlum börnum og bera fingurinn af þeim í poka um hálsinn sem verndargrip. O. sv. frv... Innrásin í Írak var útaf olíu - græðgi. Líka svolítið útaf einskonar trúarofstæki, því að reyna að innrétta M-Austurlandabúum siði og viðhorf Bandaríkjamanna. Og svo voru heitttrúarmenn í USA ekkert leiðir heldur. Hvar og hvernig kom Írak annars inn í málið? Og jú, ég held að slíkar hömlur MYNDU VÍST stuðla að minna ofbeldi í heiminum! Alla vega væri þá fokin í burtu fjandi góð afsökun fyrir því að haga sér illa! Það er létt að líta á svona fréttir og hugsa, ah, bara trúarofstæki. En hvernig væri að hugsa aðeins um kúgun fólks (sérstaklega í M-Austurlöndum) sem viðgengst með blessun hinna mismunandi trúarbragða. Hvað með baráttu kaþólsku kirkjunnar gagnvart samkynhneigðum og getnaðarvörnum? Hvað með að hugsa lengra, ekki bara um ævintýralegu fréttina, heldur hvers vegna? Þróunarkenning Darwins hefur ekki áhrif á það hvernig ég breyti gagnvart öðru fólki, þetta er ónýtt dæmi! Þróunarkenningin er eitthvað sem kemur mér og mínu lífi í rauninni ekki við. Samt viðurkenni ég alveg að það sé meira vit í henni en að hin fyrsta kona hafi orðið til úr rifbeini hins fyrsta manns. Þar með fer ég að efast um sannleiksgildi annars sem sett er í samhengi við þá kenningu og enda sjálfsagt með að afneita býsna mörgu í kristninni. Að síðustu verð ég náttúrulega að verða sammála þér. Fordómar í garð trúarbragða eru að sjálfsögðu helstu fordómarnir í dag og eru þúsund sinnum fáránlegri heldur en fordómar gagnvart samkynhneigðum, kvenfrelsi og öðrum kynþáttum. Nei. En þú mátt samt alveg halda það áfram... Því það er þín trú, og það skaðar mig ekki svo sem.


	Kristín Helga June 21, 2005 11:42 PM PDT Imagine all the people... Ég er sammála þér frænka. Umskurður er samt félagsleg athöfn, ekki trúarleg.


	Andri Már June 21, 2005 10:26 PM PDT Alveg rosaleg ofsatrú og mikilmennskubrjálæði er þetta að segja að það sé allt trú að kenna! Mér hefur alltaf þótt það rosalegir fordómar og jafnvel hálfgerð vitleysa að bölva trú og segja endalaust og eilíft hvað trú hefur slæm áhrif á mannkyn og mannleg samskipti. Ég er ekki að segja að mörg voðaverkin megi ekki rekja til trúarbragða og skoðanarmismunar, heldur að þeir sem fylgja þessum skoðunum gera ekki ráð fyrir að sumt fólk er einfaldlega fært um að gera voðalega hluti og langar til að gera þá óháð því hvað rekur fólk af stað. Vikulega ráðast fótboltaaðdáendur á Englandi á hvern annan og stórskaða og jafnvel drepa og þýðir það að það eigi að banna fótbolta? Ég veit að þetta er bara pínulítið dæmi miðað við trúarbrögð heimsins, en vonandi áttið þið ykkur á hvað ég er að fara. Mig minnir einmitt að þú Steinunn hafir haldið því fram að innrás Bandaríkjamanna í Írak hafi ekki verið vegna trúar heldur út af olíu. Svo má líka minna á frétt frá deginum í dag þar sem sagt var frá því að 22 pekistanskir drengir á aldrinum 3-12 ára var smyglað til Sameinuðu arabísku furstadæmana til að vera knapar í stórhættulegum kamelreiðum... Ég hef enga trú á að trúar-leysi í heiminum muni leiða til minna ofbeldis í heiminum, fólk mund einfaldlega taka sér eitthvað annað fyrir hendur. Ég vil frekar hafa tvöföld lög(lög ríkis og lög guðs) til að tryggja mig frá fólki en ein. Allir (lang flestir allavegana) eru líka sammála um að sumt fólk gengur langt og í sambandi við t.d. krossfestu nunnuna þá var klaustrið lagt niður og réttindi prestsins afturkallað og því varla hægt að segja að það sé allt saman einhverri sérstakri trú að kenna. Það er enginn fær um að setja takmarkanir á hvert trúarbragð, eina sem hægt er að banna (og ætti að banna) eru meiðingar á fólki og eitthvað þess eðlis. Svo finnst mér alltaf fyndið þegar fólk er að segja að maður eigi ekki að elta skoðanir trúarforingja eða spekúlanta en samt setja flestir það fyrir sjálfsagt að allt það sem vísindamenn segja sé rétt án þess að vita hvernig það gengur fyrir sig. Sjálf talarðu um þróunarkenningu Darwins og hvernig fólk getur ekki trúað því að hún virki. Sjálfur veit ég ekki alveg hvernig hún er, en samt trúi ég á hana, er ég þá ekki að gera nákvæmlega það sem þú varst að segja að væri svona asnalegt? Ég skil ekki hvernig trú á vísindi er svona miklu betri en trú á guði, sérstaklega þegar maður trúir á bæði... Ég vil samt halda að helstu fordómar sem eru í gangandi núna grassarer ekki í skjóli trúarbragða, heldur í garð trúarbragða og það er fáránlegt


	____ Rut June 21, 2005 09:35 PM PDT ég ætla ekki að tjá mig, en samt skilja eftir mig för..


	Jói June 21, 2005 08:39 PM PDT Hmmm... þetta er áhugavert vandamál, og ef staðan er sú, að trúarbrögð séu almennt slæm, þá ætti allt skynsamt fólk að skrá sig úr trúarbrögðum. Sjálfur er ég trúleysingi, ekki vegna trúarbragðanna, heldur frekar vegna þess, að nú er öld, einmitt, vísindanna, en þau eiga að leysa trúarbrögðin af hólmi sem skýring á náttúrufyrirbrygðum, og þangað eiga menn að leita eigi þeir í vandræðum. Það er rétt að hugmyndin um trú er í sjálfu sér sæt, saklaus og falleg. Það eru hefðirnar og fáranlegu reglurnar sem fylgja þeim, Steinunn, sem fokka í hausunum á grey vitleysingjum. Annars er það raunar bara misskilningur að það sé ekki búið að afnema trúarbrögð, því það er rétt að meirihluti hrakfalla heimsins er tilkominn af trúarbrögðum, til dæmis öll stríð heimsins (á einn eða annan hátt). Trúarbrögð eru forverar vísindanna, en eru nú úrelt. Menn eiga ekki að taka bessavissaráð trúarmanna, þar sem vísindaheimurinn hefur svo margoft sannað að hann gerir betur en trúarbrögð (ekki í öllum tilvikum þó, sbr. kjarnorkusprengjan), og þessi gömlu ráð, eru oft á tíðum ómannúðleg. Trúarbrögð eiga heima á söfnum á þessum síðustu og verstu tímum.. það er kannski fullgróft til orða tekið, en rétt röð aðgerða væri þó að afnema þetta gríðarlega vald sem til dæmis kaþólska kirkjan hefur. Nú til dags held ég að trú ætti að vera eitthvað sem hver hefur fyrir sig, en ekki einhverjir söfnuðir sem fylgja leiðtogunum í blindni. Hvað segirðu svo.. mótmælaaðgerðir?


	Steinunn June 21, 2005 12:27 AM PDT Ég vil meina að þau séu reyndar þegar öllu er á botninn hvolft, slæm. Hugmyndin var sniðug, hugljúf o.sv. frv. En alltof stór hluti kvenna í heiminum er umskorinn og það m.a.s. oftast í barnæsku. Hálf milljón á götum Madridar að mótmæla því að samkynhneigðir fái að giftast og ættleiða, er ekki lítið af fólki, og það er til meira þaðan sem þau komu. Ég minni á The Westboro Baptist Church aka GOD HATES FAGES - fólkið. Ég minni á kúgun kvenna um allan heim. Galdrafárið frá 1480 til um 1700. Ofsatrúarmenn sem fremja sjálfsmorðsárásir. Páfi sem er á móti samkynhneigðum, getnaðarvörnum og rokktónlist. Trúarbrögð eru notuð til að réttlæta það að vinna öðru fólki mein. Auðvitað er eitthvað gott við þau líka en að mínu mati vegur það ekki upp gallana. Hví að trúa því að það sé slæmt að éta svínakjöt eða elska manneskju af sama kyni? Þessar gjörðir skaða ekki nokkurn mann (nema svínið sé úldið að innan)! Þetta er rugl, argasta vitleysa! Hvað segirðu um fólk sem trúir ekki á þróunarkenningu Darwins vegna þess að hún stemmir ekki við Biblíuna? Fundarstjóri, dómari, má þetta?!? Nútímavísindi stangast á við trúarbrögð og því er þeim hafnað. Fáfræði og fordómar grassera í skjóli trúarbragða. Trúfrelsi ætti að vera innan takmarkana. E.S. Hve mikill hluti heimsins er líka ekki menntafólk? 875 milljónir fullorðna íbúa heimsins glíma við ólæsi. Tveir þriðju þeirra eru konur.


	Jói June 20, 2005 11:25 PM PDT Trúarbrögð eru ekki slæm í eðli sínu. Þrjóska við að halda í gamlar hugmyndir og fáfræði eru slæmir hlutir. Það stundar frekar lítill partur menntafólks að reka út illa anda með mannfórnum og annarri vitleysu, nema það sé þeim mun sturlaðra. En hvað veit ég...

Leave a Comment:

Name

Homepage (optional)

Comments